Aintzinetik erosteko : https://www.helloasso.com/associations/oreka/evenements/euskal-zirko-kabareta

EUSKAL ZIRKO KABARETA

  1. Aurkezpena

Euskal Zirko Kabareta mugaz gaindiko proiektua da, Iparraldeko Oreka eskola eta Hegoaldeko Zirkuola eskolaren artekoa.

Lehen edizioa 2021ko ekainaren 18an aurkeztuko da Baionako Mousserolles harresietan.

Bertsolariek, musikariekin batera animatuko dute ikuskizuna zointan Euskal Herriko edota euskaldun zirko artistek parte hartuko duten. Kabaretaren helburuetariko bat da, gehienetan bakotxa bere aldetik ari diren artistak topatzea eta proiektu amankomun baten sortzea. Horretarako, eta zirko arteen bultzatu eta balorizatzeko, artista profesional eta amaturrak elkarlanean aritzeko baliabideak eskainiko ditugu. Ekainaren 8a arte dute zirko artistek kabaretan parte hartzeko dei publikoari erantzuteko. Euskalzirkokabareta@gmail.com erat igortzen ahal dute haien proposamena.

Azken urteetan, Euskal Herrian gaindi hainbat proiektu loratu dira zirkoaren inguruan ; Hendaian, Adunan, Gernikan…. Testuinguru horretan, zirko arteak Euskal Herrian garatzeko aukera ikusten dugu, egituren arteko lotura eraikiz.

Bestalde, Euskal Herri osoko artistei parte hartzeko deia zabalduko diegu, mugaz gaindiko elkar-ezagutza eta elkarlana permititzeko. Euskal Zirko Kabaretaren bidez sortuko diren elkarlanak epe luzean mantentzeko eta garatzeko perspektiba ginuke.

Zirko Kabereta euskaraz aurkeztua izanen da, euskararen erabilpenaren normalizazioan eta sustapenean parte hartzeko xedez. Hizkuntza aniztasunari garrantzia berezia eman nahiko genuke, hau da, euskarari leku berezia emaiten badiogu ere, beste hizkuntzen erabilpenari idekia da proiektua.

Horrez gain, zirko arteak beste arte espresioekin kurutzatuko genituzke, hala nola, bertsolaritza, musika, dantza, marrazkilaritza, etb. Arteak adierazi nahi duen zentzuan emaiten dugu garrantzia haundia, eta horretara heltzeko arte espresioen arteko elkar-elikatzea izaiten ahal da bide interesgarria.

Horretarako Bertsolarien lagunak elkartearekin, lekuko musikariekin eta Iparraldeko Axixko eta Dom Campistron margolarriekin harremanetan sartu gira.

Azkenik, lehen edizioari segida bat emaiteko asmoz, Kanalduderekin partaidetzan, ikuskizunaren bideo bat grabatu nahiko ginuke. Horrek, ondoko urteentzat laguntza haundia emanen digula uste dugu baita publiko zabalago batengana heltzea peritituko digula ere.

  1. Zirka’Baiona proiektua

Oreka Zirko eskola, Cirkulez konpainiarekin partaidetzan ari da (Gironde iparralde) 2021ko ekainean Baionako Mousserolles gunean konpainiaren zirko karpa muntatzeko hilabete batez. Denbora tarte horretan, tailer, ikusgarri, ikastaro desberdinak antolatuak izanen dira.

Proiektu horren baitan aurkeztu nahiko ginuke lehen Euskal Zirko Kabareta, hots, 2021ko ekainaren 18an.